Se ke yeno zanayen 02.05.2023` de bi minasebetê seserrîya pîyaameyişê Lozanî, Diakurd semedê ca ardişê heqanî şarê kurdî yê ke ameyê îhlal kerden, bi rayirê ebukatanî xo sere da kabîneyê serekcumhurî rê. Wina yew prosesa qanûnî destpêkerd. Îzahatê ma yê verêcu de amebi eşkira kenden ke eger cewabo pozîtîf nêro dayen, rayîrê hiqûqî yê mîyanxoyî û mîyanneteweyî bêrê ceribnayen. Serektîya Komarê Tirkiyeyî wextê qanûnî de cewab nêda û waşteyê ma bi yew şeklo tecawîzkar red kerdî. No semed ra ma semedê caardişê heqanî şarê kurdî yê ke ameyê binpaykerden, rayîrê edlî yê îdarî dayê xovero.
Ganî weş bero zaneyen ke Pîyaameyişê Lozanî seserro bê dej, înkar û mergî çîyo bîn nêardo şarê kurdî rê. Na rewş nê tena semedê saziyê ma Dîakurd , semedê heme şarê kurdî nêyena qebûl kerden. Şarê kurdî pîyaameyişê Lozanî red keno û heqê çarenustişê xo wazeno. No semed ra na dewa, yew dewaya tarîxî ya. Nê tena Diakurd, heme şarê kurdî na dewa de, sey terefê dewayî ca geno. Bêguman sey Dîakurd ma nêpawenê ke dadgerîya tirk sey ma qerar bido. Bê qeyd kerdenê na neheqîyê û bêhiqûqîyê, ma pawenê ke cemato mîyaneteweyî destek bido waşteyanî şarê kurdî.
Merxaleyê meclîsa dewlet ra pey ma qorikerdenê heqanî meşru yê şarê kurdî, dadgeha berze ya temyîzî dewam bikerê. Se ke ma cuwa vero zî dîyar kerdibi, qednayişê rayîranê hiqûqî ra pey, ma na dewa berê destanî Komîteyê Heqanî Însanan yê Neteweyanê Yekbûyî vero.
Sey Diakurd ma veng danê heme partî, rêxistinanê cematî yê sivîl û welatparêzanî xoser ke destek bidê na dewa.
5.7.2023
