یەکگرتنەوەی حیزبی دێموکراتی کوردستان و حیزبی دێمۆکراتی کوردستانی ئێران، جێی دڵخۆشیی هەموو هۆگرانی مافی دیاریکردنی چارەنووس و ڕزگاریی کورد و کوردستانە.
ئێمە بە ناوی کۆنفیدراسیۆنی کوردانی دیاسپۆرا – دیاکورد یەکگرتنەوەی دوولایەنی حیزبی دێموکرات بە ڕێبەری، ئەندامان و لایەنگرانی حیزبی دێمۆکرات، بنەماڵەکانی سەربەرزی شەهیدانی ڕێگەی ڕزگاریی کوردستان و خەڵکی تێکۆشەری کوردستان پیرۆزبایی دەڵێین.
ئاواتەخوازین یەکگرتنەوەی دێموکراتەکان ببێتە هەوێن و پاڵنەری یەکیەتی و یەکڕیزیی حیزب و هێزەکانی دیکەی کوردستان. بەوەش جووڵانەوەی سیاسیی کورد پشت قایم بە ئیرادەی شۆڕشگیریی هێزە سیاسییەکان و پاڵپشتیی کۆمەڵانی خەڵکی کوردستان و کوردانی دیاسپۆرا هەنگاوی خێراتر بەرەو سەرکەوتن بنێت.
کۆنفیدراسیۆنی کوردانی دیاسپۆرا – دیاکورد
٢٤/٨/٢٠٢٢
