Her çar perçeyanê Kurdistanî de se serrîyo ke îdarekar û rayberê dewletanê dagîrkeran bi zor, bi rayîrê asîmîlasyonî û çamtersnayîşî, şarê Kurd heqê xo yê meşrû, ziwanê maye ra mehrûm verdîyayo. Heme waran de kerdê ke, ziwan, kultur û heme ercanê kurdan çîne bikerê.
Heqê ziwanî heqêko meşrû ûxozayî yo. Eger netewêk ziwanê xo vînî biko, a netewe do sey netewêka merde mîyanê rîpelêan tarîxî de ca bigîro. Dewleta Tirke 2012 ra nata heqê weçînayîşê dersa weçînaye ya Kurdî daya. Bê şik nêbo ma qîmê xo bi dersa weçînaye bîyare. Dersêka weçînaye semedê 25 milyon kurdan neheqiyêka pîl a. La mîyanê nê şertan de red kerdişê nê heqî zî rast nîyo.
Lazim o ziwanê kurdkî qanûnanê Tirkiya de bibo wayîrê statuyêka fermî û heme qismanê perwerdeyî de bibo ziwanê perwerdeyî.
Konfederasyonê kurdê Diaspora – Diakurd, semedo ke keda înan na mesela de karê netewperwerî yo, pêrûna komanê ziwanî ê sey; Platformê Ziwanê Kurdkî (PZK), Hereketa Ziwanê Kurdkî (Hezkurd), Tora ziwanê kurdkî, heme partiyê sîyasî yê Kurdistanî yê Bakûrê Kurdistanî, heme dezgeh, dezgehê sivîlî û şexsanê Bakurê Kurdistanî rê sipas keno.
Kampanyaya weçînayîşê dersa weçînaye 7/2/2022 de qedîya, la na kampanya ganî heme waranê cuyayîşî de dewam biko. Ma hêvî kenê, e kê no wardi kar kenê, piya kampanya ziwanê kurdî virazê.
Ziwanê Maye kurdî rûmet û nasnameyê ma yo!
Ziwanê Maye kurdî Mîras û estbîyayîşê ma yo wetax o!
Konfederasyona kurdê Diaspora – Diakurd
18/2/2022
