34 serr verê cû 16î aşmê Adar 1988 de rejîmo faşîst yê Iraqî bi çekanê kîmyayî êrîşî Helebçê kerd. Netîceyê na felaketî de 5000 zafêr kurdî sîvîl şehîd bîyê û bi des hezaran kes birîndar û koçber bî. Wina tebîatê dormareyî zî ame jehr kerden û nebatê heyatî dar, vaş û heme heywan, tebîatê dormareyê Helebçeyî ameyî kişten û tune kerden.
Kîmyavarnayişê Helebçeyî û dormareyî bîn yê Kurdistanî, semedê qir kerdişê şarî Kurdîstanî, operasyonê Enfalî yê rejîmê Baasî yê Sedam Huseynî ra yew qisim bi. Felaketê Enfalî û kîmbyavarnayiş heta ewro zî yew rîşa giran yê xelkê dormareyî ya. Hema zî zaf şehîdê Enfalî vîndî bîyaye yî û laşê înan nêameyî Kurdîstan. Bandorê na trajedî hema zî bena sebebê merdişê bêwext yê şarê dormareyî û zaf domanê nêweş û kêmendam yenê dinya.
Îşxalkeranê Kurdistanî heme parçeyanê Kurdistanî de, gazo kîmyayî û çekê bînî yê komkiştişî verba şarê ma şoxilnayê. Desthilatanê erişker, Tirkiye, Îran, Iraq û Sûriye mîyanê se serranê vîyarte de, yew milyon ra zaf kurd kiştê û hema zî siyasetê cenosîdkerdişî netewa kurd dom keno.
Ma gazî komelgeha mîyanneteweyî û heme rêkxistinanê heqî însanan yê cîhanî kenê ke verba binpaykerdişê heqanî gelê kurd çimanê xo nêqefilnê, û verba êrişanê rejîmanî Tirkiye, Îran, Iraq, û Suriyê yê verba kurdistaniyan, vinderê. Ma Neteweyanê Yewbîyayî û heme hikûmetanê demokratîk ra wazenê ke kîmyavarnayişê Helebçeyî û komkiştişê Enfalî bi fermî sey cenosîd nas bikerê.
Ma şehîdanê komkiştişê Helebçeyî û heme Kurdistanî bi rêz yad kenê.
Komîteyê rayîrraberdoxîye Konfederasyonê Kurdanî Diaspora – Diakurd
16/3/2022
