Komkiştişê Enfalî yê Başûrê Kurdistanî ke hetê rejîmê Baasî ra Iraq de verba Kurdan ame kerden, 8 qunaxanê Enfalî de, mîyanê demanî 23ê sibat û 6ê eluna 1988 de 182 hezar ra zaf Kurd bîye qurbanî komkiştişê etnîkî û 4 hezar ra zaf dewî bi erd rê ameyê yew kerden û dar û ber û zîraatê Kurdîstanî ame çîne kerden.
Rijîyayişê rejîmî Sedam Hisên ra pey, serrê 2003 de, bi seyan gorê komî ê kurdan Iraq û Başûrê Kurdistanî de ameye vînayen û heta nika zî zaf gorê komî ê ke bi hezaran kurd tede ameyî nimiten, nêyenê zanayen. Ameyo tesbît kerden ke zafê qurbanan weş ameyê binerd kerden, û kênê û cînîyê kurdan zî bîyê qurbanê tecawuzê îdarekerdoxanî û hetkaranî rejîmî.
Gelê kurd heta wayîrê heqanî xo yê esasî nêbîyo, nêbo wayîrê dewletî û serdestîyê xo, her tim bin tehdîdê komkiştişî yê sey Enfalî de bo. Tena bi yewbîyayişî, yew bîn rê hurmet kerden û hemahengiya siyasî ya mîyanê heme şarî Kurdîstan de, rayîrê verba enfalan eşkeno bêro girewten.
Semedo ke ciperskerdeno mîyandewletî bêro rojevê, komkiştişê Enfalî û kimyavarnayişê Helebçê bêro rojeva Neteweyanê Yewbîyayeyî û mehkimayanê mîyandewletî û nê sey jenosîdê etnîkî bêrê nas kerden, hewcetîya xebatê dîasporaya kurd esta. Wazîfeyê rêxistinanê sîvîl û pisporanê kurd ê diaspora yo ke no ware de bi bername û plananî muşterek bixebitê.
Komîteyê îdarekerdoxî yê Konfederasyona Kurdanê Diaspora – Diakurd
13/4/2022
